L’eventuale pubblicazione di parziali brani musicali allegati a testi scritti è fatta a titolo di Demo, essendo essa finalizzata a documentare la relativa ricerca della rubrica “Radici & civiltà” non avente scopo di lucro, ma, piuttosto, finalità di libera divulgazione culturale. |
Signiruzzu, chiuviti, chiuviti..
Era di ‘mmiernu, ed ancora carusu,
‘u cielu parìa comu fussi chiusu :
mai ‘na negghia, mancu ‘na muffurata
ppi dari rifrigeriu a lu Criatu.
‘U suli, comu fussi ‘u patruni;
la terra, arsa, jittava vuci e vrami
e ‘u lauri, chiancìa ppi la siti
di li radici sua, quasi appassuti .
‘U viddanu nu’ è ca fussi sulu,
a stari sempri cu’ l’occhi a lu cielu,
a prijari, cu’ li vrazza allargati,
picchì vinissi l’acqua suspirata !
Si scinnieru li Santi di l’Artari,
ppì prijari a Diu di fari chiuvìri,
e tutti misi ‘n fila, ad unu ad unu,
ppì lu paìsi jieru ‘n pricissioni.
‘U Crucifissu, com’è giustu, primu,
l’Addulurata Matri, assai vicinu,
San Giuseppi, ‘u Patri Pruvvidenti,
cu’ Santa Rusulia, un po’ distanti.
‘I fimmIni, cu’ ‘n testa lu sciallinu,
‘i masculi, cu’ li cannili ‘n manu,
tutti a prijari, cu’ pia divuzioni,
ppì la durata di la pricissionini :
” Signuruzzu, chiuviti chiuviti
i laureddi su’ morti di siti.
E si Vui l’acqua nu’ ci la mannati
siemu tutti poviri e scunsulati
e si Vui l’acqua cci la mannati
siemu tutti ricchi e cunsulati.
Deh Matri, ppì to’ Figghiu Addulurata,
saziati la terra tutta cripata.
Deh ! Acqua vuliemu, pani vuliemu
e cu’ tuttu lu cori li ‘nvucamu!
San Giusippuzzu, mannatini tanta
d’inchiri puzzi e surgenti vacanti.
Santa Rusulia, mannatila bona
senza lampiari e luntana di trona.
Tutti a lu Cielu ‘livamu li mani :
Datici l’acqua ca tantu disiamu!
Acqua vuliemu, duranti la notti
grapiti, d’u cielu, ‘i catarratti. “
Turnati li Santi, d’intra li Chiesi:
missi, rusari cu’ voti purmisi.
Sunnu scantati di ‘na mal’annata,
di fari ‘u pitittu, e, ppì ‘na vota,
di nu’ putiri inchiri ‘i cannizzi
e di ‘ncuminciari a nu’fari sfrazzi.
Duoppu tri jiorna , cadìu acqua abbunnanti:
dissiru grazii a Diu e tutti li Santi.
L’annata fu ricca ; favi e furmientu,
ppì sciogghiri i voti, nni diettiru tantu .
E’ vera fidi ca movi ogni cosa,
no’ lignu di Cruci tinutu appisu !
Gioacchino Todaro
GUCCIONE ROMUALDO
10/03/2020
la foto, risalente agli anni `30, è di mio padre Attilio, appassionato fotografo.
Iscriviti
ed inizia a pubblicare i tuoi contributi culturali
TODARO GIOACCHINO
13/04/2018
POESIA
TODARO GIOACCHINO
06/04/2020
CHISTA È MODA
TODARO GIOACCHINO
22/03/2018
L`INSONNIA
TODARO GIOACCHINO
21/01/2020
TUTTU PASSA
TODARO GIOACCHINO
20/03/2018
CHI MI NNI FAZZU?
TODARO FILIPPO
09/02/2021
MYSTERION HIMERA (+ IT.VERSIONE)
TODARO GIOACCHINO
29/12/2018
LU NOVU ANNO
TODARO GIOACCHINO
20/03/2018
SCIURI AD AGUSTU
TODARO GIOACCHINO
03/07/2018
`U VIDDANU
TODARO GIOACCHINO
28/03/2018
LU CRISCENTI
TODARO GIOACCHINO
11/10/2018
`U CUMPLIANNU
TODARO GIOACCHINO
09/12/2018
LA MATRI TERRA
TODARO GIOACCHINO
28/06/2018
VULIRI VULARI
TODARO GIOACCHINO
23/03/2018
CHI MALUCCORI
RUNFOLA GIOACCHINO
16/04/2006
MARIA ERMENELGILDA FUXA
DI NATALE ANGELO
28/02/2010
LA PRICISSIONI
TODARO GIOACCHINO
09/04/2020
A GESÙ BAMMINU