FALSITA` D`AMURI

Quannu la peddi è liscia comu la sita e profuma di rosi,
quannu lu munnu t`arridi e lu pinseru va sulu a li belli cosi
cu ti voli beni, voli o nun voli, t`avi a ngannari, t`avi a nsignari la ritta via,
cuscenti, ca stu nsignamientu, nta stu munnu disgraziatu, e comu na malatia
di dì malanni ca nun li cura lu dutturi ma la cuscenza
di dì malanni ca ti fannu diri no a la riverenza
ca ti fannu sentiri siti di cosi giusti, siti di aviri e dari opportunità
siti di putiri fari belli cosi nta sta sucità
siti di arricampari un travagghiu dopu tantu studiari,
siti di onestà, e no di genti ca tira a campari!
siti ca fussiru veri di paroli, ca cu ti vulia mali, ti ripitia spissu
"studìa figghiu, pigghiati un piezzu ri carta o sarai un fissu."
Falsità d`amuri nta da ucca di patri e di matri
sta terra chiui li porti a la bona genti e li rapi sulu a li cosa inutili e li latri
u cani muzzica sempri lu sfardatu e li pirocchi fannu pirocchi
mentri li disonesti e li gnoranti ca nun sannu piegari li ginuocchi
dicinu di amari a Diu e futtinu lu prossimu e tieninu li iunti sempri aperti
e nta lu nviernu nun ci mancanu li coperti.
Parrano a strazzu e cu divertimientu di la dispirazioni di la genti
picchi nun la capiscinu...iddu sunnu cuntenti e nun ci manca nenti.
Futti futti ca Diu pirduna a tutti dicinu senza pinsari
picchi un ci abbasta arrubbari si sientinu granni di putiriti nsignari
lu modu giustu di campari nta stu munnu fattu apposta pi sta mala genti
unni la falsità d`amuri parissi nun serviri a nenti
ma l`amuri e amuri e chiddu di matri e di parti è lu chiù granni
e diventa la forza di Diu nta sta Terra china di malanni
e quannu lu tempu sarà arrivatu
a falsità d`amuri sarà lu pisu misu di latu
ca nta da vilanza di Vera giustizia e Virità
farà isari o calari latra estremità.