GRANNI RICCHIZZA

Mi riguordu di na sira d`agustu,
assittati a lu friscu cu li parenti e li vicini,
me nonnu parrava di quantu è bellu essiri onestu
di quantu e duru lu pani e quantu duonnu a la sira li rini.

Parrava, mentri nuatri, picciriddi, di iuocu assitati
ni firmavamu ascutari stu cristianu ranni cu tutti sti così ri cuntari
parrava, cu la facci stracanciata, di quantu su longhi li jurnati
e di quantu e duru vasari li manu a cu li vulissi tagghiari

Ora ca sugnu ranni maritu e patri
abbannunatu di lu travagghiu e miezzu a tuttu stu malaffari
pienzu spissu a du cristianu e a me patri
e vulissi turnari picciriddu, ascutari quacchi consugghiu e putirici parrari

Però chista è la vita e d`accussi s`avi a pigghiari
ndietru nun si torna lu passatu nun si po canciari
e ti lassa mumenti di pinsieru e malincunia e sintimienti di rimorsi
ca da cirtizza di fidi, pirdinutimi Signuri, diventa forsi!

Cu la testa nta li manu chiuiu l`occhi e piensu
a da parola, du saggiu consigghiu e si tu ca mi parri e mi cunsoli
rapu l`oucchi e dicu nun avi siensu
parru sulu cu mi stissu dicu chiddu ca lu cori voli

Tuttu nsemmula mi sentu chiamari e mi svigghiu du turpuri
ora viu cosi veri e non di la me testa
du facci nica e na fimmina china d`amuri
ca m`arridinu, mi vasano e mi fannu festa

Smiettu di pinsari e mi l`abbrazzu
e cu li lacrimi all`occhi ripiensu a me patri
sta vita nun mi po siddiari..sugnu pazzu?!?
haiu na granni ricchizza ca nun ci l`hannu mancu li miegghju latri

E quannu li viu manciari da inticchia ri pani duru
e calata la sira mi doli la carina e di sta vita pierdu lu significatu
sunnu lu me suli, la me luci immiezzu a lu scuru
e ringraziu a lu Signuri di tuttu chiddu chi m`ha datu