Springalia Buses Delicacies
Vinni lu tiempu c’a l’Antica Nanna
Cci sciurìa nna li manu la ferra
e a San Giusippuzzu, a lu Burduni,
Cci sciurìa nna li manu lu vastuni,
e a San Giuseppi di lu Bagnascu,
l’uocchi Cci lucianu e ‘un era luscu…
E si si’ amanti di poesia
e lu si’ puru di funci di ferra,
viri sciuruta tutta la campagna.
La nanna lassava la quasetta,
lassava li fierri e pigghiava li busi,
e, un puntu a carcagnu, un puntu a quasetta,
gghiòmmari di lana maritata
scuddariava cuomu fussiru strùmmuli…
Aspetta ca finisciu la busata!…
cci dissi la mugghieri a lu maritu,
ca cci ittava la porta ‘n terra,
a du’ uri di notti, assicutatu,
di li brianti di Aria a la ferra….
Arriva la vigilia d’Ascenzioni
e lu Signuri lieggiu s’àvìa a tèniri,
pi’ spiccari lu vuolu pi’ li Cieli
di la terrazza di lu Cravaniu,
unni ‘n pricissioni lu purtavanu;
li cavatieddi si priparavanu
cu scura farina di tumminìa
e a la busa s’agghiummariavanu
di paraccu sfasciatu e nostalgia
di la belle époque di la vita…
Lu tiempu vinni, asciuttu e profumatu
di inestra e di rosi spampinati
ca, toties quoties, s’arricampava,
lu miraculusu Fra’ Binnardu,
ca crapi e piecuri miracolàverat
di la patologia di lu chiuvardu
a li Principi di Santu Vicienzu,
e, taliannu nn’avanti, a cu viri?!
‘d’insigne parentado, quel portento’…
O sanguis meus…, cci vinni di lu piettu,
finalmenti qualcosa nni nni vinni,
di l’arii di destra e di sinistra,
di lu Cravaniu e di la Funtanedda,
di nni la Chiazza e di la Tribunedda,
duoppu tant’anni di mal’annata,
cu la cugghiuta di sta stasciunata
‘na bedda ‘mposta àm’a ad armari,
cu sìdici viesti e du’ urdunari,
sacchi, visazzi e visazzuotti, chini
di ciciri, favi e tallarò
e ‘n frotta ‘ntipàri pi Gibilimanna
pi ghir’a diri grazzi a la Madonna
ca di li vienti la rosa cumanna...
Didacus
Iscriviti
ed inizia a pubblicare i tuoi contributi culturali
DIDACUS
24/04/2009
ALL YOU NEED IS …ALIA
LENA COOK
21/10/2010
`A PASTA CU LA FRITTEDDA
DIDACUS
28/06/2012
CARA AL SOL, QUERIDA ALIA, CASAS
DIDACUS
05/08/2011
AB AQUARIO… AD LEONEM
CONCIALDI RINO
21/05/2007
LA PRIMA COMUNIONE
REPORTER
13/12/2005
L'ANTICA USANZA DEL PANE BOENK
DIDACUS
13/02/2013
‘MISS BARBARA, SINE AETATE, PRAEMIUM’
REPORTER
10/10/2005
A LI PUMETTA
REPORTER
22/10/2005
LU SPIZIALI
PIRRELLO CORRADO
15/09/2008
QUANNU NASCÌU LERCARA
CONCIALDI RINO
06/02/2007
U PUPU CU' L'UOVU
REPORTER
28/11/2005
LA VITA SOCIALE - VII^ PARTE -
DIDACUS
29/12/2011
NINNAREDDA ALISA
REPORTER
10/10/2005
U PUPU CU' L'UOVU
LENA COOK
07/08/2007
">"FROSCIA D'OVA CALATI NI LA SARSA"