A SAN FRANCESCO D’ ASSISI
Santu Franciscu. Ritorna ccà n’ terra:
cc’è l’ odiu ca svampa, cc’è scrusciu di guerra.
A Gubbiu curristi armatu d’ amuri.
Sapiannu ca un lupu mittiva tirruri.
A dd’ugna nisciuti, a dd’uocchi n’ fucati,
scappavano tutti li genti scantati.
Tu n’veci lu fermi, lu chiami:- Fratuzzu!-
Ed iddu si calma, addiventa agnidduzzu.
Abbassa la testa, vicinu ti veni:
li genti ritornanu tranquilli e sireni.
Santu Franciscu ccè un lupu, ccè un mostru
ca metti spaventu all’ animu nostru.
La testa? E’ na bumma atomica nera:
e missili enormi su misi a dintera.
Li piedi? Su carri armati pisanti
ca portanu morti darreri e davanti.
La cuda? E’ na pompa ca jetta vilenu,
appesta lu cielu e l’ orbi tirrenu.
Du radar giganti su n’capu la testa
e dunanu un segnu si c’è la timpesta.
Si grapi la vucca e manna un suspiru
s’ abbruscianu l’ uamini e n’ zoccu c’è in giru.
E’ brutta la morti! E’ tinta la guerra!
Santu Franciscu, ritorna ccà n’ terra.
Tu porta un rimediu, ca c’è senza dubbiu,
e cancialu comu lu lupu di Gubbiu.
Si chiama giustizia, amuri si chiama.
E tuttu lu munnu l’aspetta e lu brama.
Si, quannu li genti si dannu la manu.
Sciurisci la paci vicinu e luntanu.
“ E’ doveroso per tutti invocare l’ intercessione di San Francesco di Assisi,
patrono d’ Italia perché anche oggi possa ripetersi il consolante cambiamento
avvenuto nel lupo di Gubbio, che era il terrore della città e che poi è
divenuto mite come un agnello. Oggi ci sono lupi più feroci, capaci di
distruggere l’ umanità per mezzo delle terribili armi atomiche.
Chiediamo al santo poverello di Assisi di volere pregare il buon Dio, perché
anche oggi sia operato il prodigio di un immediato e radicale cambiamento
di tante nuove bestie in coraggiosi e costanti costruttori di pace nella
giustizia e nella fraternità “.
( Cianciana 4 aprile 1984 ) DON FILIPPO FERRARO
Da una raccolta di poesie siciliane di Franca Di Pasquale
Inviacele al seguente indirizzo di posta elettronica : assarca2001@gmail.com
