LU VIDDANU E LA SO’ IURNATA

All’arba la matina lu gaddu canta,
Carricatu d’aratru e di zappuni
Lu viddanu cu lu mulu va all’antu
A vutari e rivutari lu terrenu.

Poi la sira stancu e affaticatu
s’arricampa nna lu scurari, mentri è pi la via,
Sona la campana, è l’Ave Maria,
Lu segnu di la cruci si fa a ringrazziari
La Madonna, pi la Pruvvidenza chi ci
Manna la bedda Matri Maria.

La mugghieri l’aspetta preoccupata
Si un lu viri arricampari pi sirata,
La cena ci pripara cu tantu amuri
Pi lu maritu ca è stancu, e ha travagghiatu
Cu tuttu lu cori.

Chissa è la iurnata di lu viddanu
Ca la matina và travagghia lu tirrenu.

Paolino BIONDO (agosto 2008)