L’eventuale pubblicazione di parziali brani musicali allegati a testi scritti è fatta a titolo di Demo, essendo essa finalizzata a documentare la relativa ricerca della rubrica “Radici & civiltà” non avente scopo di lucro, ma, piuttosto, finalità di libera divulgazione culturale. |
Signiruzzu, chiuviti, chiuviti..
Era di ‘mmiernu, ed ancora carusu,
‘u cielu parìa comu fussi chiusu :
mai ‘na negghia, mancu ‘na muffurata
ppi dari rifrigeriu a lu Criatu.
‘U suli, comu fussi ‘u patruni;
la terra, arsa, jittava vuci e vrami
e ‘u lauri, chiancìa ppi la siti
di li radici sua, quasi appassuti .
‘U viddanu nu’ è ca fussi sulu,
a stari sempri cu’ l’occhi a lu cielu,
a prijari, cu’ li vrazza allargati,
picchì vinissi l’acqua suspirata !
Si scinnieru li Santi di l’Artari,
ppì prijari a Diu di fari chiuvìri,
e tutti misi ‘n fila, ad unu ad unu,
ppì lu paìsi jieru ‘n pricissioni.
‘U Crucifissu, com’è giustu, primu,
l’Addulurata Matri, assai vicinu,
San Giuseppi, ‘u Patri Pruvvidenti,
cu’ Santa Rusulia, un po’ distanti.
‘I fimmIni, cu’ ‘n testa lu sciallinu,
‘i masculi, cu’ li cannili ‘n manu,
tutti a prijari, cu’ pia divuzioni,
ppì la durata di la pricissionini :
” Signuruzzu, chiuviti chiuviti
i laureddi su’ morti di siti.
E si Vui l’acqua nu’ ci la mannati
siemu tutti poviri e scunsulati
e si Vui l’acqua cci la mannati
siemu tutti ricchi e cunsulati.
Deh Matri, ppì to’ Figghiu Addulurata,
saziati la terra tutta cripata.
Deh ! Acqua vuliemu, pani vuliemu
e cu’ tuttu lu cori li ‘nvucamu!
San Giusippuzzu, mannatini tanta
d’inchiri puzzi e surgenti vacanti.
Santa Rusulia, mannatila bona
senza lampiari e luntana di trona.
Tutti a lu Cielu ‘livamu li mani :
Datici l’acqua ca tantu disiamu!
Acqua vuliemu, duranti la notti
grapiti, d’u cielu, ‘i catarratti. “
Turnati li Santi, d’intra li Chiesi:
missi, rusari cu’ voti purmisi.
Sunnu scantati di ‘na mal’annata,
di fari ‘u pitittu, e, ppì ‘na vota,
di nu’ putiri inchiri ‘i cannizzi
e di ‘ncuminciari a nu’fari sfrazzi.
Duoppu tri jiorna , cadìu acqua abbunnanti:
dissiru grazii a Diu e tutti li Santi.
L’annata fu ricca ; favi e furmientu,
ppì sciogghiri i voti, nni diettiru tantu .
E’ vera fidi ca movi ogni cosa,
no’ lignu di Cruci tinutu appisu !
Gioacchino Todaro
GUCCIONE ROMUALDO
10/03/2020
la foto, risalente agli anni `30, è di mio padre Attilio, appassionato fotografo.
Iscriviti
ed inizia a pubblicare i tuoi contributi culturali
RUNFOLA GIOACCHINO
16/04/2006
MARIA ERMENELGILDA FUXA
TODARO GIOACCHINO
28/06/2018
VULIRI VULARI
TODARO GIOACCHINO
28/01/2020
CHI RICCHIZZA !!
TODARO GIOACCHINO
30/03/2018
MÉ NORA
TODARO GIOACCHINO
12/08/2018
`A STRATA DI `NA VOTA
TODARO GIOACCHINO
13/01/2020
A MARIMBA
TODARO GIOACCHINO
09/04/2018
SOGNARE
TODARO GIOACCHINO
13/04/2018
POESIA
TODARO GIOACCHINO
03/07/2018
LA CHIUSIDDA
TODARO GIOACCHINO
20/03/2018
SCIURI AD AGUSTU
TODARO GIOACCHINO
07/04/2020
A GESÙ BAMMINU
TODARO GIOACCHINO
28/03/2018
LU CRISCENTI
TODARO GIOACCHINO
23/03/2018
CHI MALUCCORI
TODARO GIOACCHINO
28/06/2018
NU` MI MANCA NENTI...!
RUNFOLA ITALO
12/05/2008
DI PRIMA MATINA
DI NATALE ANGELO
28/02/2010
LA PRICISSIONI
TODARO GIOACCHINO
09/04/2018
L`ASTRONAUTA
RUNFOLA ITALO
18/06/2008
L'ARIA DI LU ME' PAISI