L’eventuale pubblicazione di parziali brani musicali allegati a testi scritti è fatta a titolo di Demo, essendo essa finalizzata a documentare la relativa ricerca della rubrica “Radici & civiltà” non avente scopo di lucro, ma, piuttosto, finalità di libera divulgazione culturale. |
Nu` mi manca nenti...!
Ti ringraziu…ca m’haju susutu…..,
ma ora m’addari ‘na manu d’ajutu:
a scongiurari ‘sta sorti maligna…
macari ca fussi a corpi di ligna!
Ah … chi guaju….., sugnu malatu,
accuomu a passari ‘sta mala jiurnata!
Nun haju sordi pì ‘na criata
e mancu oru misu di latu!
Haju sulu ‘na pinsioni suciali ….
ca cc’ accattu la pasta-artigianale'>pasta e lu sali
e, cu tuttu c’haju ‘sti gran sordi…
passu lu tiempu a liccari la sarda.
Haju bulletti di gas, di luci e di acqua
e nun mi resta nent’atru p’a vucca
e si nun fussi pì quarchi anima bona…
putissi muriri… puru di fami!
Menu mali, c’ hav’a canciari …
ed avemu, accussì, di putiri scialari.
No’ pì nnenti cc’amu datu lu votu
p’aviri chiddu c’amu speratu!
Haju l’attrezzu misu a l’oricchiu…
pì sentiri diri, propriu, nun sacciu !
Pigghiu li pilluli pì li dulura
e l’effattu dura p’un’ ura.
Li pedi su’ tantu strissati
e mi movu stannu assittatu.
Haju chiova misi ‘nta ‘n’ anca
e all’atru jiunocchiu quarcosa ci manca !
La dintera mi tira d’un latu
ed a’ stari attentu a quarchi stranutu.
Si c‘è friddu e cancia lu tempu
mi vennu a li pedi li crampi
e ‘nsertu, s’è acqua cu’ troni,
megghiu c’a la televisioni !
Di tant`atri, ca nu’ n’ haju elencatu,
la Scienza dici ca su’ scunusciuti:
pozzu stari serenu, nun ci pinsari,
tantu, d’iddi, nu’ pozzu muriri!
Nu’ mi manca nenti…,ringraziu Diu,
pi chiddu ca sentu e pi chiddu ca vìu.
Nn’ haju tanti e di tutti culuri…
ca mancu li sapi… lu me’ dutturi!
Ed allura…., dutturi …, c’haju a fari…?
Accuomu ‘na petra m’ haja jittari?!
Ah.. nun fussi mai…, pì l’arma mia
e lu rispettu ca portu a Diu!
Allura, Tu, mi devi ajiutari :
cu ‘sti mali putiri campari !
Quannu vo’ Tu , cchiù tardu ca sìa,
fallu, sulu, pì l’amuri c’hai pì mìa:
‘Na morti, bona, cu’ li Sacramenti
e ‘na Chiesa china d’amici e parenti ;
tanti parrini, menzu pajsi, tutta la banna
e li rintocchi di la Matrici e Sant’Anna!
E, vogghiu stari, all’atru munnu,
cu’ li cunfrati e la Madonna!
“ Ci sunnu tutti?
‘Nta ‘sta cunfusioni…,
m’avissi scurdatu, d’ammitari, a quarcunu? “
Gioacchino Todaro
Iscriviti
ed inizia a pubblicare i tuoi contributi culturali
TODARO GIOACCHINO
03/04/2020
`NA LIRA
DI NATALE ANGELO
28/02/2010
LA PRICISSIONI
TODARO GIOACCHINO
30/03/2018
MÉ NORA
TODARO GIOACCHINO
29/12/2018
LU NOVU ANNO
RUNFOLA ITALO
21/05/2008
L`ALIA
TODARO GIOACCHINO
09/04/2018
LU RITRATTU
TODARO GIOACCHINO
28/01/2020
CHI RICCHIZZA !!
TODARO GIOACCHINO
07/04/2020
A GESÙ BAMMINU
DI NATALE ANGELO
28/02/2010
LA PRICISSIONI
TODARO GIOACCHINO
13/04/2018
POESIA
TODARO GIOACCHINO
12/02/2020
SONA LA VIRMARIA
TODARO GIOACCHINO
22/03/2018
L`INSONNIA
TODARO GIOACCHINO
26/03/2018
ATTU PI PROCURA
TODARO GIOACCHINO
28/06/2018
LA PUDDARA
TODARO GIOACCHINO
23/03/2018
L`AFFIDO
RUNFOLA ITALO
14/02/2010
CARNILIVARI E LU SÒ TISTAMIENTU