L’eventuale pubblicazione di parziali brani musicali allegati a testi scritti è fatta a titolo di Demo, essendo essa finalizzata a documentare la relativa ricerca della rubrica “Radici & civiltà” non avente scopo di lucro, ma, piuttosto, finalità di libera divulgazione culturale. |
SIRINATA D`AMURI
Amuri, ca ripusati su’ du’ cuscini,
unu di pinni d’oca e l’atru di lana,
v’addumannu scusa e pirdunu
si stavati durmiennu a suonnu chinu.
A mia nu’ spercia, propriu ‘sta sira,
pì ‘nnenti, di jrimi a curcari.
Vogghiu, propriamenti, diri:
di stari ‘nsemi a vu’, nu’ viu l’ura !
Ma, ora, macari Vui v’ata svigghiari
e, cu’ lu sciallu a pizzu, v’at’ affacciari
pì salutari amici e vicinanza, a vui cara,
pirchì di stari cca’, è l’urtima sira!
A li me’ occhi siti tantu biddicchia,
pariti ‘na statuetta dintra ‘na nicchia
ed è pi chistu ca l’arma mia spinna
di vidirivi, ca sinno’ si danna !
U sacciu, cu mi fici ‘sta fattura:
l’occhi brijanti a mulinciana nira;
li capiddi a trizzi, fatti a curuna
e la vucca tunna sempri ridanciana.
Haiu pruvatu ‘mpacchi e mmisturi,
pì ‘stu mali, oscuru, alluntanari
e, ‘nta la ricetta ca mi fici un luminari
è dittu: sulu accantu a vu’ pozzu guariri !
Putiti, ora, stari senza pinsera
pirchì, pì nui, c’è ‘na bona vintura;
mi lu dissi, chiaru chiaru, ‘na majara
liggiennumi la manu, propriu ‘sta sira !
‘Na truvatura, cu’ mia, aviti asciatu
pirchì sugnu, veramenti, un bonu partitu
Nu’ c’è di megghiu, vi l’haiu assicuratu:
haju tirreni ed armali a “ lu Vruchitu " !
‘Stasira, at’aviri un sulu pinseru :
dumani, propriu a chist ‘uri,
comu du’ turtureddi, misi a vulari,
pì nidu, avemu un fucularu.
Vu’, dintra d’iddu, a fari la cuva
ed iu, a purtari quantu si civa
tutta quanta la nostra nidiata:
speramu, ‘nta la bon’annata !
Cu sta cantannu, è Saru di nomi,
ca v’ha fattu la scarpina pì dumani;
è Turiddu c’ha dittatu ‘sta canzuna
pì comu ci vinni, …sana sana !
La sirinata di ‘sta sira, avi ‘na cuda
cu’ lu viulinu di don Totò, ca picca vidi;
accuomu ad iddu c’è l’amara cucca:
ca di notti vidi assai e lu jornu picca !
(A cu ,all’ebbica, nu’ c’era,
pirsuna nota ‘n Paisi e puru fora,
s’era chiamatu, p’avirni fattu votu,
cantava nuveni di Natali, Rusulia e Rita. )
Amici e curiusi, rantuna e paisani,
sparpagghiati, fora, ‘nta lu chianu,
aspettanu ca v’affacciati a lu barcuni,
pi salutari e p’aviri auguri e battimani.
( Ed a ‘stu puntu, s’apri la scena:
di lu barcuni, cu’ la parmisciana
e di la porta, misa a vanedda,
cu’ tutti li parenti d’arreri d’idda.
E niesciunu ‘nguanteri e cistini,
di pastizzi di casa, chini chini
e buttigghi di rosoliu e bicchirini.
(“ Beddi picciuotti
Cci nn’è pi tutti… !
Jamuci pianu….
e senza jnchiri la manu ! “ )
Gioacchino Todaro
Parmisciana = persiana
Iscriviti
ed inizia a pubblicare i tuoi contributi culturali
TODARO GIOACCHINO
17/04/2018
LU TRAVAGGHIU
TODARO GIOACCHINO
13/04/2018
ERA N`ATRU MAGGIU...!
TODARO GIOACCHINO
30/03/2018
MÉ NORA
TODARO GIOACCHINO
20/03/2018
TIEMPU DI CIRASI
TODARO GIOACCHINO
09/04/2020
A GESÙ BAMMINU
TODARO GIOACCHINO
22/03/2018
L`INSONNIA
TODARO GIOACCHINO
19/02/2019
ALL`EBBICA
TODARO GIOACCHINO
22/05/2018
GLI ANNI
TODARO GIOACCHINO
29/12/2018
LU NOVU ANNO
TODARO GIOACCHINO
07/04/2020
A GESÙ BAMMINU
TODARO GIOACCHINO
09/04/2018
LU RITRATTU
TODARO GIOACCHINO
20/03/2018
CHI MI NNI FAZZU?
GUCCIONE ROMUALDO
01/05/2016
TALIU E PENZU
TODARO GIOACCHINO
28/06/2018
NU` MI MANCA NENTI...!
TODARO GIOACCHINO
09/04/2018
L`ASTRONAUTA
TODARO GIOACCHINO
28/03/2018
LU CRISCENTI
TODARO GIOACCHINO
23/03/2018
CHI MALUCCORI