AprilatAlisa…
Aprili, lu cchiù crudili, di li misi,
mixture di memoria e desideriu,
dicissi, comu dici, Thomas Stearns
Eliot, si fussi ancora tra li vivi,
and fluently Alisi parrassi…
Ma, a mmia, m’arriri, l’aprili nustranu,
vuoi a lu Rabbatieddu, vuoi a lu Chianu,
in Via Francesco Riso o Via Guccione…
`April is the cruellest month, breeding
lilacs out of dead hearth, mixing
memory and desire, stirring
dull roots with spring rain…’…
Quannu iava a la scola a l’ Aginzìa,
April dei bei color orna le vie,
La volata, dicìa, di Spadaro,
parenti di lu miedicu di Peppi
chi curà l’Eroe ad Aspromonte,
e li maistri, a vuolu, la matina,
a constatar de visu, nni purtàvamu:
Puzzu di Mesi, Via Montemaggiore,
Burduni, Brivatura di lu Vuoscu,
Pizzu di Garibaldi, Balatazzi,
Stratuni di Sciuri, ante litteram…
E puru l’amatu Prof Macalusu,
contrariamenti, a lu so’ giustu usu,
di tenini in classi sin’all’uossu,
a Raggiura, nni ‘n’Aprili, nni purtàu,
pi un brief stage sull’orientamentu
e sentiri l’oduri di lu maiu,
pi margi, viola e muntaruozzi…
Sciuri di Maiu, nn’Aprili sciuruti…
Didacus