Versi d'amore... e di gelosia...

Radici & Civiltà

DI PASQUALE FRANCA DI PASQUALE FRANCA Pubblicato il 22/11/2010
<b>Versi d'amore... e di gelosia...</b>

Versi d'amore... e di gelosia...

Poesie amorose di autore ignoto, rivelatrici di

antiche espressioni popolane, quasi proverbiali...


A prima matina

A prima matina chi gghisti a la missa,
lu populu di tia s'innamurau
e quannu pigghiasti l'acqua biniditta,
lu fonti ch'era di marmaru trimau!
Lu parrinieddu chi dicìa la missa,
vidiennu ssi sprenduri, si vutau:
bedda, cu ti li detti ssi biddizzi?
Mi l'ha datu lu Diu chi mi criau.

Amuri, amuri

Amuri, amuri chi m'hai fattu fari!
M'hai fattu fari na granni pazzia,
lu patrinostru m'hai fattu scurdari;
e la megghiu parti di l'Ave Maria.
Lu Credu nun lu sacciu accuminciari,
Vaiu a la missa e mi scuordu la via!
Lu sai ca arrieri m'ha fari vattiari,
ca turcu addivintaiu pp'amari a tia!

Assira cci passai di li tò parti

Assira cci passai di li tò parti,
d'un purtidduzzu tutti cosi vitti!!
Munnavi aranci e gghittavi li scorci
e all'autri davi li munnati spicchi.
Cu mia fai la santa e t'addinuocchi;
cu l'autri longa longa ti stinnicchi.
Figghiuzza, a cu li cunti ssi m'papuocchi;
lu sacciu ca si schetta di l'aricchi!

A me maritu

Ia nun mi pientu nò, ia nun mi pientu!
E mancu mi pientu ca mi maritaiu.
Pigghiaiu un picciuttieddu a me piaciri,
'mmienzu a quattrucientu lu scartaiu.
Pigghiaiu lu sciuri di lu bon furmientu,
tutta la cruschicedda cci livaiu.
Si tutti l'uomini fussiru d'argentu,
ia nunni ciercu nò: ca a tia attruvaiu!

Amuri amuri quannu si luntanu

Amuri amuri quannu si luntanu
cu ti lu conza lu lettu a la sira?
Cu ti lu conza, ti lu conza malu,
ca agghiorni malateddu a la matina.
Ti lu vuogghiu cunzari na sira cu sti manu
quantu arriposa st'amuri mischinu.

Bedda ca di Napuli vinisti

Bedda ca di Napuli vinisti
chi bedda trizzulina chi purtatsti,
all'acqua di lu mari ti lavasti,
cu na' tuvagghia d'oro ti stuiasti.
Sugnu priatu ca ti maritasti!
Mancu si forevi na' suruzza mia,
li cosi duci tutti ti li manciasti,
mancu na' vota pinzasti ppia mia!
Unn'è ssu cavaleri chi pigghiasti?
Fallu affacciari s'è miegghiu di mia!
Nè a robba, né a dinari t'avanzasti,
nè mancu a giuvintù, miegghiu di mia!

Vita di la mè vita

Vita di la mè vita, vita mia!
Comu nun m'arrispunni, ca iu ti chiamu?
Unn'è ddu affettu chi purtavi a mia,
comu ti lu scurdasti ammanu, ammanu?
Unni mi vidi mi stracanci via,
comu siddu fussi di paisi stranu!
Li biddizzi nun chianciu e mancu a tia,
Chianciu siddu ti viu ad autri manu!

Sugnu cuntenti ca ti maritasti

Sugnu cuntenti ca ti maritasti,
mancu siggu jeri nà suruzza mia!
Chi fusti orba o cieca ca ti lu tinisti
oppuru t'annurbau santa Lucia?
Nè in robba, né in dinari t'avanzasti,
nè mancu di pristanza è miegghiu di mia!





Viste 16966 - Commenti 0
Iscriviti
ed inizia a pubblicare i tuoi contributi culturali