Quannu nascìu Lercara
Quannu nascìu Lercara, iu nun c'era
ma la storia ricorda una certa parintèra
di un Pirreddu Vincenzo vinutu di luntanu
appresso li baruna patruni di stu chianu.
La storia di "li Friddi e Friddiceddi"
a ricudàri li Scammacca e li Pirreddi
cu li Scagliuna, Iuannuni, Lu Munti e chiddi
li primi abitatura di sta terra sunnu iddi.
Pi mnenzu di li baruna bona genti
ogn'unu si chiamò a li parenti
e fu accussì ca criscìu lu villaggiu
fabbricannu nnà li Friddi a largu raggiu.
Quannu lu sottusolu si rindìsi
tannu si ingrannìu lu paisi.
C'era l'oro giallu sutta terra
chi fu di lu paisi ricchizza e guerra.
La storia riporta gioia e dulura
stanchizza e morti pri li surfàrara.
Lu paisi nni vitti di tutti culùra
lu pani duci, lu travaglio amaro era.
Chista è la storia di la terra di li Friddi
chi fici parràri boni cirivedda e chirchiriddi.
Ogn'unu l'ha cuntatu cu intillettu di lu sò versu
mentri iu ppi Lercara scrivu e nun è tempo persu.
Corrado Pirrello
