l`Alia
Lu mè paisi, si nun lu sapìti,
è fattu piddaveru malamenti!
Addumannati, si nun mi crediti,
a quarchi dottu storicu sapienti!
Ntà lu mille e seicientuvinti circa,
ncapu li zuocculi d`un viecchiu casalinu,
almenu chissu mi dici la ricerca,
un nobil`omu fici un malasenu!
A picca a picca, attuornu a ddu ddammusu,
nascieru casi, staddi e pagghialori,
e, ‘ntà lu mienzu, com`era bon` usu,
la genti fici un tempiu a lu Signuri.
Nun c`era chianu, ma vadduna e timpi
e lu paisi pigghià lu viersu d`iddi,
vi dicu sulu pi farivi esiempi
Carriniscìu tuttu vaddi e buoddi!
Spuntaru a unu a unu li quartieri,
lu Rabbatieddu, lu Chianu e Maccarruni,
cu li chianiuoti e cu li matriciari
ca si sciarrìanu ma si vuonnu beni.
Pua c`è Puzzu di Mesi e l`Acqualonga
Cuozzu di Pippa, Pernici e Funtanedda,
l’unu cu l`autru s`abbrazza e s`agganga
anche si mancia a la stessa maidda!
Parru di l`Alia `npruvincia di Palermu,
di l`Alia cantu li genti e li cosi,
cci vuogghiu tantu beni a cori fermu
picchì, bruttu com`è, è lu mè paisi!
ITALO RUNFOLA (detto Cirinè, 1979)
Iscriviti
ed inizia a pubblicare i tuoi contributi culturali
TODARO GIOACCHINO
20/03/2018
TIEMPU DI CIRASI
TODARO GIOACCHINO
23/03/2018
L`AFFIDO
TODARO GIOACCHINO
09/12/2018
LA MATRI TERRA
TODARO GIOACCHINO
27/06/2018
SIRINATA D`AMURI
DI NATALE ANGELO
28/02/2010
LA PRICISSIONI
TODARO GIOACCHINO
03/04/2020
`NA LIRA
TODARO GIOACCHINO
07/04/2020
A GESÙ BAMMINU
TODARO GIOACCHINO
12/08/2018
`A STRATA DI `NA VOTA
TODARO GIOACCHINO
26/03/2018
ATTU PI PROCURA
TODARO GIOACCHINO
13/01/2020
A MARIMBA
TODARO GIOACCHINO
17/04/2018
LU TRAVAGGHIU
TODARO GIOACCHINO
09/04/2018
SOGNARE
TODARO GIOACCHINO
07/04/2020
LU MÈ PAISI
TODARO FILIPPO
09/02/2021
MYSTERION HIMERA (+ IT.VERSIONE)
TODARO GIOACCHINO
21/01/2020
TUTTU PASSA
RUNFOLA ITALO
18/06/2008
L'ARIA DI LU ME' PAISI